Vevesuru ya naek Suri au kukr a Profesor Meri muveundang nu ro sup
Papua kovaniwa. Aya ro Universitas Cenderawasih, naek Alfons Arsai i
ro Universitas Papua. Untuk o fandun veba a fawawi nufarkor o program
Toolbox anine. A fyor nayafa program ine nkakfawi i ro sup kovaniwa va
karna rumfarkor emnis no fa kakfarkor do varya program ine nkofarkor i
va. Inja numarisen kaku. Fawawi evesya annane insamaido nufawi na
kofawi na kam fa ras suine mre do kobukdakfarkor o roma
kovansiwa. Robaido kobukdakfur wos Vyak kovaniwa. Wos o sup ero, ebor
ro sup Papua annane insamaido nro awer. Mboi nkain pdef rao isof o
fioro fioro vis. Insama roma kovansiyampon ido sfarkor na. Farkor wos
Vyak robaido wos ro sup aniwa na nasero fawawi vebor na kame. Nja
nkomkak wark ro nro ido na fawawi ebor ero wos Vyak erobaido wos Papua
annane na nadawer bo ras suinempon roma kovansi sfawi na va.