YA2: Yakofn kasumasa be bapade au ro Inggris kukru fafisu ine ipyum fa tete dunu radio ine ma bisa nkofafyar do ro insama fyarem fa insape bapade wakrower, robaido wakrower wos kobanine ma ragam erayo wos amber ya dobe ragam imboi mnggarm kobe muno Warbyak ine mpur o sedi. Inja yakofn bairo snonsnon ayedya, snonsnon masisren ayedya ro rum ari do snonsnon kaku ayedya: Yusak Isak Aprombis. Snonsnon kafir yanido: Sanadi Aprombis. Sinan bin ayedya dabn ayanya ro Napdori tanggal 16 Mei 1965. Inja kur ine robaido fafisu yawos ine umur ayedya dek raryas bye 44 tahun kwar, samfur di fyak sesr ri fyak. Na mesr u kokor rarpon do yu paik Mei ras samfur sesr di wonem yanido umur ayedya imnis ro diya fa yabe samfur di fyak sesr di rim, 45 tahun. Inja i yo yabe bair be bapa erobaido kma kasun ayanau yanya. Imbe yafar u mnu kobedine randak iyafa mob yaba ba bo yamasasi roi yen sare irawarai. Inja fafisu ya yaba ba mkun boi sna yedya robaido kma yedine suyun aya bo nkobur fa ido nkobark ro Yenbepyoper, Aidwari ramnaido nkobur kabr ma ro Napdo nkopdef ma ro mnu nkobedine ido yaba mkun bo yamasi ro yen andiro Ramdoi. Inja mnu nkobanine snonsnon kaku byedya iso Ramdoi. Ramn ido ryamdamen 'biru'. Do ido 'dalam'. Inja nyir be Ramdoi. Inja i yabe bair be sinan kasun anauyanya dan (imbo) mnu kobedine ifo yo amsame, andoi, angkankene 'lumut'. Ros na namnisu ayise, kobuki dis timure, sobe kukuran 'parutan'. Inja nkuf na fa nido nkofnak na. Nkun namre ido nkobe na fa nkain narirs dares ya rao nasyor ido sinan sya sna na fa sikof o tabaku sikun annane orf na. HM: Sna na be asbak. YA2: Sna na be asbak fa sikof tabaku oref. Andoi naido nkopas na ramnaido nkis na ro karui yakofn annaine, imbo nasar fa rupa rayo ayis annane. Nkis na ro bo rao napyopr ido insape nkan na. HM: Roma banya dor be andoi nane ido indo sor be rumput laut anna. YA2: Ya. HM: Nai dor be andoi na. YA2: Angkankene, andoi ido san na robaido mobo fararyora kobena ndaya iri. Inja fawawi kma ayanya dun doyo kpu kubani Stefen Mofu i na. Kma ayanya iswarepen na fa byuki dakfarkin mankundi rao isof ro ikapar nko fa nkoba ma byuki dakfarkin nko wer rao nkoisne nkakuf na wer. Nkakufu erobaido..... Nkakufu robaido nkoswarepn fawawi annane fa nkobuki dakfarkin keluarga nkobena, robaido imbesna nkobesya ma nkobuki dakfarkino kina kobe ero mnu kobanna nefa si ro baro gerejai. Inja fafisu ini jabatan yakuf ro gereja yanya yabepenatua, yabewakil sekretaris jemat. Trus jabatan ero gereja ya iri. Ero pemerinta ya ido yabe sekretaris desa.