Fafyar bero Ramdori skoine skobebeyun do tanggal 28 Mart 2010 ro mnu
Ramdori. Inja beyakawos ine ido bapade (kma kasun) Timus Mofu swari
bin Ramdoi ibe eyakawos ragam erobaido mnggarm Warbyak ma kakrower wer
i.
HM: Imbo eknike mubur da muyakfur rum mubedya ro mnu kobanya ba boi
mubark ker ro ipar mnu bedyane? 
HA: Eroba boi rokaker na na efna na. Imboi mamade i ebe eyakawos mufa
ine boi, tabea be au ro mun or ya ikren ine. Imbo bapa ima ryi
Bintuni. Ryi eba begurui boi mamade derer i ebe eyakawos yob au
ni. 
HM: Eba bape, bapade bye ero Bintuni nani. Inja bapade Timus rya ryoi
bapade guru Sopateri ro Bintuni. 
HA: Inja mamade i beyawos ine boi bapa inggokain di rum ero bo. Rum
ebark do bori ri. Rum ebe amper diri. Bapa kyain ro rum smen o ba
kursi no ba. Bapa inkokain nkofafyar di ansanna, imbo Bapa i eyamk
radio ine bo ekain eyawos ine. Imbo yawos wos ebin no ba. Imbo nkokain
nkofafyar biasa monda. Imbo nwa kasun di beso kwar? Kyor ke fyak? 
HM: Nya roma ri kyor. Suru subejadi ro Manokwari, eser byejadi ro luar
negeri. Na insape wakmam foto skobena ro hp ine. 
HA: Imbo bapade ima nya wonem. Inja inai kir ebaya iso ebarkus o gurui
ro Bintuni bo eyakfarkor i. Indo fyaki ero rumi. Inja roma eser ryi
STM. Indo inaikir ebe kyor ya iso ebark do Ampombukor us o Apus snari
bo efarkor i, Emai. Indo roma nanauya, yabe yakofn badir umur
ayedi. Yabejadi ro tahun samfur di wonem sesr di wonem ro mnu Ramdori
sup Byaki bar wambarek. Snori soine Hana Aprombis.