HM: Suri yo Bapade a Rumbekwan i isoine. Badu Rumbekwan i beyores ine boi kebetulan ryo Jayapura mumfe bo a ryower au boi dun alamat banya fa rya dobe bye fyas surat mufri fa sa mu ya a mufafyar be Inggris wer. Ras epon ya rwo a Australia ido fyas surat ya faro au ro Australi. Mbo skaran rwo Inggris ido ro ibe a fyas surato yo be au wer ja fyasas fyas alamat banya kwar mboi skaran nggoisne nggofafyar do yu kantor Dikbud anya barponi. Inja wakrower suara byedya ari. BR1: A inja kaset ine, kaset anine yawos radine boi a na yafarem surato langsun do Uncen Jayapura mufa fa sa wamarisen. Ro wafur ro diyanna na fas kaber na ma surato ma sa ma yakmarisen bo yawasya na boi yor fa sa ma kamus kero ro wakofn anna bepesan ro Inggris anya e Australia anya bekirimo esero ro diwa ma. E kamus Inggris Inggris o irya kwar. Irya kwar. HM: A inja kira-kira Pemilu mandobin ya Pemilu anya nja mbo mansei mgakbepilih besyani. BR2: SBY i kukro inkobar aya fa yabe Ketua KPPS rya yabor yaberari. HM: Kira-kira mop na nasasyar do yo a mob u sepilih ro naiwa ra ke? BR2: Oh mob na nsae ba. Sorido i mob nsae roroi. HM: Aoo.. iwer ido. Mbo mbo Sorido i mop na nasasyar ido ra rya ndo nari a ebemambanyo ro i mu ya na a Rumbewas i yo a Suri mu i ebemambanyo ro Sorido i masa ebe mufrur mamyai Sorido sya mob si ena mob yansi. BR2: Rumbewas ima byesinan kwar ja yarir mufa be anak au ro diri. Sup amber i ri. HM: A inja kira-kira apa itu fawar no ndo yu Supiori Utara riwa fa se kakrower ke indo. BR1: Be Pa Guru yo Mansoben. A mgo ro dipur wu ni na mgonan fafaya in ya baberi. In bero bonde bonda. YM: Aroba in no ba. Ine fafisu ine byebrin ba rya. In no sibor kukro roba bo insape mboi na kosewar indo. YR: A bo in sya sibor do Supiori besyabo. YM: Imbo i ikofn ya bae. In sibor besya bo wobo in no sro Supiori Utara ba ri. YM: Aroba in sya boi mbo na kosewar fafisu ine byewam rya. YR: Roba ido ero bande si. YM: A ero bonde sya me sifan diso ma eroba ido na oroba. HM: Ah Bapa Awom i ebe ebeyakbepesano pesanan ine mufri be au ndi. Romawa anya dobe a kawos fa yafarem ra ryower do diriwa nja. BA: Mmm HM: Mbo mbo wakawos be Mandender fa ryower. BA: Mmm nja ro sai ebesyani. HM: Wawos u ro sai e be wawos ro mandobin ya Pemilu ya imnis barya betrima ba bo wobe BA: Mbo Pemilu ya ma imbo imnis kwar. HM: Oso na ebe presiden ya ke atau Jawa rirya ke? BA: Imbo komindi ri ebe presiden ya ba bo. Mbo mentri sya ma musti suru yo suyakkain. Fa suyakkofen badir bar ya kobedi. Insama ido suyakawos pyumo OTSUS ya fa imbran pyum bo snap-snap knik. YM: Sifrows kondi. Sifrows ko wer di. BA: Insama ido dawospyum rya. Roma ine sro diriwa kwar ja harus sakbeatur mob na fa napyan. YR: Wai ine imbran kwar ja. HM: E.. Boseren. BA: Yawos fa ikwan ba boi mob isof roro i. HM: E insande eyawos ine ido a Bapa Awomi. Mandender. Nggukro a Ambroben ebarkepen lapangan terban ansi. Subeyawos sui. Bepancing keadaan ya fa wobo wobo wafawi Simon ima mop byedya mandobin ya ryandi ryo yu Inggris bar be skaran o dakawos. Smn: Wawos ba bo. Bapa byekirim be yo anak Suri i HM: Skaran nggokain nggofawar do kantor Dikbud anya barpondi boi e ine nggawos kukro ragam nabesisye rya a Utara ri skaran ebeyakawos i. Ne mob sai kwain do nani? YI: Nusi. HM: Ine ido Utara rirya boi kyain do Nusi kyain fanam u bapade Mansamyar ero Wundi nani. Yoram i. Skoi bero myos skoya. Skobeprenta Padaido. Nja kira-kira keadaan mgoro a Padaido ya ryairyo? HM: Mgosan bom bo mgomnai kwar? YI: A sudah pinda ke Biak Utara. Smn: Wawos kaku. YI: A ya nja baik nja keadaano bero Nusi a ipyum ibye dan sementara ine kofasos o ro tanggal satu Oktober. Jadi kesibukan-kesibukan roro keluarga nja untuk menunjang kehidupan atau kenem kobena ro barpon ine dan sementara pemilihan umum ine a byeingatkan ko karena SBY dengan a Kala Yusuf byejadi a pemimpin. Rarirya a yakofen insama ido a romawa byepintar nsa mkakbe dun sup kobanine byemaju be barpon. Terima kasih. HM: Bapade insande ibe dakawos be baro Swandiwe rya dakors bo byecampur Samber sya nja dawos be Samber rya dawos fa wakrower. YPM: A yakawos royo bape... HM: Wawos wos ero Samber. YPM: Pemilu ine imnai kwar ja e mgakbebantu fa era be marisn ine marisn beba komarisn ine arus u kobe kosmai i. Yawos royo ba boi irya kwar. Trima kasih. HM: E anak Suri e skaran yors us u bapade Mampioperi be ibe dakawos fa samaido wakrower o ragam u Samber skobanya nja a nuyores ro yu pelabuhan. Ibe dakawos fa wakrower ja skaran u yabuk kesempatan be i fa dakawose. Ndo bapade wakawose. EM: Yo terima kasih wer be naek au mufa. Yakofen badir manggunaya snonsnon ayedya Eskol Mampioper. Yabelahir ro Samber i. Skaran jam ine yors us kmami bo nuyors nufafyar do yu pelabuhan u ero Biak kobanine. Mboi yamarisnu yakbuk u titipan mggun o be naek au mufndi fa byejadi swarapepen. Isoine insanja naek bepon ansine sbaryas na kwar boi ine yakbetamba monda. HM: Inja Hannah kmamo a.. Insandya Bapade Mampioper u a dawos ekaku na boi ine nido dobe e dakfur o ai sobe mop ke ro efur fa kamambrif ke ro boi mop ine rupanya rya ker u a mob mgobanya ke. Sbob ko fa kobe suru rya. Irian Jaya bagian Baratu mungkin mop bero mgoro ri ndiri. Inja na rwower monda ro mobu snonggaku ine ro bero swan mgoya ke ero sup sya ke insape na korowerpanu insei u a efur mop ine ni. EM: A inja anaku ai Bapade byetitipu mop ine fa byehibur mgun au ro andi ri ya boi mob ine byeasal do yu Papua Baratu ai Papua Barat. Nja mop ine rya muma ro ai bon Arfak kero riwa mumra rya. Fak bar bero ai Warmare i beyado mumra ya boi duno manggokor di suru. Duf iya ra bar ya iya ra bar ya bo dadomra imbran ma byelewat ro binamber ya rum ya rawr byedya rya binamber anya ifukn bo dobe "Bapa ayam berapa?" Maksud byedya ifukn u manggokor ansine kira-kira esero harga byedi. Nja snonggaku babar anine ifawi ba rya pyambar fa myam inamber ani mbo dobe "Ayam dua." Ikofn u ayam dua. Inja binamber anya ifrar randum fyanam ra ma ifukn bo dobe "Kira-kira ayam satu ekor berapa?" Mura mansar anya dobe "Satu ekor tiga puluh lima ribu." Mura binamber anya fyafko bo dobe "Boo terlalu mahal sampe" "Coba kaseh turun kah?" Mura awak anya ryir manggokor ansuya rarbab suyors ra ma dobe sa sudah kaseh turun. Inja mop ya mob rya isof ro irya kwar boi terima kasih nabor mufa be... HM: Ya inja mop anine maksud ya a Fak mgobansi. Iya bebob ya nja ryir si rarbab. Ryir u manggokor nansya suyors ra ma insape dobe "Ibu sa sudah kaseh turun" A inja ibu dobe da dobe byekasih turun ja barangkali byekurangi harga ya padahal byekasih turun fa manggokor ansuya suyors boi harga ya ma byetetap tiga puluh lima ribu ro a manggokor eser. Inja a mobo mop ine mob rya iri.